“六月黄”搭仔上海方言2010-12-19 14:52:29
来源: 新民晚报(上海)
作者：褚半农
彭瑞高先生垃拉《文汇报》上发了篇散文，讲伊当年插队落户辰光捉个“六月黄”是一种河蟹。呒没几日，一位叫家璧个先生也发一文，认为彭先生讲个勿对，“‘六月黄’是青蟹”，是产勒拉海滩边个。其实，彭先生讲得呒没错。我伲迭搭（莘庄、七宝）也一直是叫“六月黄”个。家璧先生讲个或许是另外一桩事体。
既然有了勿同讲法，葛末看看“老先生”是哪能讲个。民国十九年《嘉定县续志》讲：（蟹）“每年夏期脱换甲壳，斯时名六月黄，肉柔嫩，咀嚼隽永有别致……出清水河者较佳。”民国二十五年《上海县志》中也有记载：“六月黄者，蟹也。九十月所食，自洋澄湖来者为最。”古人个两条记载，把啥个叫“六月黄”，以及“六月黄”是河蟹等，讲得清清爽爽。彭说“六月黄”只是延续了古人个说法末哉。
家璧先生文中讲“六月黄”指青蟹，讲勿出也对，可能伊蹲个地方就是迭能称呼个。倘忙是，那么就有了同一个名称标示两种物事个语言现象。其实迭种现象拉上海老派方言中时有所见，试举一例。鹦鹉，是一种鸟（diao），但在方言中“鹦”读“盎”音，鹦鹉，拉老派方言中一直读作“盎哥angu”，在明清吴语文献中也常庄写作“鹦哥”，而读如“盎哥”。除此之外，拉上海郊区老派方言中蜗牛也称作“盎哥”。就是讲，“盎哥”迪个名称，既可以指鹦鹉，也可指蜗牛。在同一地区都迭能，相距介远个两个地方出现迭种情况更有可能了。两种不同物事个同一种叫法既然存在，那就勿能轻否定某一种讲法，尤其是对方言词语。
家璧文中引个“忙中忙，不要忘记六月黄”也有误，正确个应是“忙做忙，不要忘记六月黄”，伊完整个被记录拉上头所引《上海县志》搿段闲话个前面，并标明是谚语。而“×做×”的“做”拉上海方言中是表示让步关系个连词，也是沪（吴）方言中特有个语言形式，“中”字呒没迭个功能个。不仅有“忙做忙”，还有“热做热、冷做冷、快做快”等等，钱乃荣先生举个例子是“本钿多做多，呒没经验勿来三个”（《上海方言大词典》第305页）。 |
发表于 2010-12-19 17:06:12
提升卡
置顶卡
沉默卡
喧嚣卡
变色卡
显身卡
发表于 2010-12-19 17:29:14
