【转载】实打实
http://blog.eastday.com/qiannairong/art/1150567.html实打实
刊于《新民晚报》“上海闲话”专栏2010年8月29日
上海闲话当中有一个俗语叫“实打实”，恰如其分个表达了上海人做事体个派头【气派】。
有了“脚碰脚”那样的平等和起点公平为基础，才养成了上海人“实打实”的作风。
“实打实”里向，包含了几重意思。一是做事体扎扎实实，反对虚假、浮夸；二是临事十分顶真【认真、一丝不苟】，讲一是一；三是处事说到做到，答应了个事情一定会按时落实；四是做生活【干活】辰光熟门熟路【门路十分熟悉，得心应手】，保质保量。
脱伊相辅形成个一个俗语叫“明打明”，就是做事体“上台面”，“说亮话”，“公开透明，光明正大”，反对遮掩真相、暗中藏蹊跷。“明打明”是办事“实打实”必然个要求告【和】结果。搿点就是上海人辣竞争激烈个社会当中养成告【和】崇尚个一种办事风格。
上海人做生活、打造产品，讲究实际效应。伊拉是凭自己个实力去“搏一记【拼一拼】”个，掼出去个本事要“硬碰硬【实事求是经得住考验】”；伊拉担得起肩胛，答应要去做个事体一定会邪气有信用个按质保量交账，反对“做黄牛【滑头，不负责任】”，马马虎虎“拆烂污”，做事体讲闲话“野豁豁【没有分寸，不着边际】”。
“实打实”必然是“有心有想【集中精力耐耐心心】”、“吃辛吃苦”个工作，“顶顶真真”个推敲每一样生活【活儿】细节。做出来个生活，是“一分行情一分货【花多少钱就能得到怎样质量的东西】”，分量是实足个，质量是保证个。
所以上海五六十年代生产出来交关轻工业名牌产品，走俏全国，人们往往为买到一样而花了种种努力，凭票供应啊，排队抢购啊，组织照顾啊，摸彩啊，买着一部上海产个永久牌脚踏车，推出去大家会交关眼热。还有蜜蜂牌缝纫机，华生牌电风扇，上海牌手表、照相机，三五牌台钟咾，固本肥皂咾啥，侪邪气“吃价”！
比起“腳碰腳”這個詞彙在普通話裡也可見
页:
[1]