夹汤夹果（布谷乌）
本帖最后由 富春山越 于 2010-11-16 22:51 编辑夹汤夹果（布谷乌）
每年阴历四月光景，通昶是听到一种鸟拢日拢夜“夹汤夹果、夹汤夹果”咯叫，伢话，搿是一只冤鸟。
有年子，年成只有介荒。四月半将刚是青黄弗接时光，大麦头将子有丢枇杷黄，有户人家便去摘勒篮大麦头，磨成浆做成麦果充饥。大家都吃勒，只恝养新妇呒没吃。
养新妇实在是肚里饥弗过，就瞒着屋里人也去摘勒兴大麦头，磨成浆，烧滚水，滴落镬煠熟，将子盛起徕底吃，弗晓得婆婆一股凶相覢勒进来，伊吓勒吓煞勒。连忙把一碗百炮麦果夹汤夹果往肚里吞。婆婆一把揢牢伊喉咙头，想畀麦果挤出来。就介，养新妇畀活活挤煞又烫煞。
后息来，养新妇变成一只冤鸟，每逢四月当中，总是停徕树蓬窠里叫着：“夹汤夹果，夹汤夹果，别人吃过，我咪吃过，恨心婆婆，伊挤杀我，我真罪过、、、、、”
注：
1.通昶是---经常
2.拢日拢夜—整天
3.冤鸟---鸟读吊
4.伢话---传说、据讲
5.恝—剩下（借音字）
6.滴---动词，把浆糊状物成小团入锅
7.覢—突然出现
8.养新妇---童养媳 呵呵是啊，不同文化里，吉祥与否是很不同的。像猫头鹰，西方文化里是智慧、公平的光明的代表，中国很多地方猫头鹰是不吉的、阴暗的，认为看见了会倒霉。还有颜色冲突，白色主流中国是丧色，西方是婚色。 布穀鳥常州土名是kokokuaiko。 因此衍生出一個“家家歸家”的故事。 布谷鸟好像是叫 kuoh kuoh wong teng,小时候也听过一个故事，只记得它如何守时，到一定时点就会准确“报时”。
页:
[1]