吴语协会

标题: 上海方言研讨会追踪沪语小说能看也能“听” [打印本页]

作者: gojin 时间: 2006-12-2 08:10
标题: 上海方言研讨会追踪沪语小说能看也能“听”
http://www.jfdaily.com 2006-11-30 稿件来源：解放网—新闻晚报
　　昨晚，首届国际上海方言学术研讨会传出消息，上海话的拼音方案浮出水面。“淘浆糊、戆兮兮、坏来死”有了统一写法，原本有音无字的“钝钝侬”也变成了白纸黑字。专家表示，“方言文学是种可以直接给人‘听’的文艺”。

　　“笃一笃”敲定写法

　　普通话里“嘲讽你”，沪语怎么说，怎么写？原来是“钝钝侬”；形容水喷出来的沪语则是“水飙出来”；形容“文火慢煮”的沪语书面语是“笃一笃”。
　　昨天，经学者们数小时的激烈讨论，拼音方案和沪语书面化方案终于浮出水面。以汉语拼音为基础的方案是第一式，以国际音标为基础的方案是第二式，“这套方案考虑到汉语拼音的普及，兼顾到英语。”上海大学中文系教授钱乃荣说，这将是上海话语汇数码化的基础。今后，用沪语的拼音方案，能轻松将沪语词语输入电脑。
　　会议还规定了一些常用字书面语的写法，如：戆兮兮、坏来死、淘浆糊、混腔势、扎台型、刮三、小八腊子、腻心八腊、斩冲头、退招势……
　　专家说，制定标准后，就是如何推广的问题了。

　　沪语小说“听”出味道

　　“我撩起袖子看手表，辰光只有四点三刻，转去吃夜饭末忒早，再去看朋友末忒晚，想起美琪大戏院有一只片子弗曾看过，还是去看一场电影吧。”
　　一段洋溢着浓郁老上海气息的文字，让昨天的会议“热”了起来。此文节选自20世纪40年代，语言文字学家倪海曙用沪语写的一篇小说《三轮车》。倪海曙在后记中写道，方言文学是一种可以直接给人“听”的文艺。
　　“目前，在网络论坛上，绝大多数网友都表示支持方言文学，他们说，这是生活原生态的零距离接触。”清籁吴语论坛的版主祁嘉耀对记者说。
　　不少专家说，古文里的人物是死人，通俗官话里的人物是不自然的活人，方言土语里的人物是自然流露的人，方言文学值得传承。

　　阿拉在“创造”新派沪语

　　“阿拉在‘创造’新派沪语。”这是上海师范大学语言研究所刘民钢的一个观点。他说，年轻一代，从小接触的是上海话，可他们也同时接触到了普通话。孩子在成长中，除了和父母交流外，更多接触到的是电视、电台、DVD等，在媒体的影响下，普通话的影响远大于方言。
　　他就此推论，孩子们从小就建立起普通话是权威方言的观念，是他们的“基础方言”。之后，他们用普通话音系推断上海方言，形成了自己的新派沪语。
　　日本立教大学经济部吴悦教授说，新派沪语，是上海年轻人的语言，最具活力。

　　语言“势利”上海话依然强势

　　今后，沪语发展、承继如何走向？
　　上海历史博物馆薛理勇说，上海方言依然强势，因为语言是很“势利”的。在二三百年前，苏州是吴地经济、文化最发达的城市，苏州方言被公认是吴方言的代表，于是“上海人以能讲苏州话为荣，犹如俄国宫廷里以法语为官方语言一样”。
　　他说，现在，上海是吴地，也是全国经济最发达的城市，沪语则成了吴方言的代表。大多数“新上海人”在努力学习上海话。
　　薛理勇预测，截至目前，沪语还是一种强势的语言，它不可能衰退。

　　沪语小说《三轮车》(精彩节选)

　　刚好一部空车子勒拉踏过来，我装出一副老上海格样子，神气活现格话：“三轮车！”车子踏过来哉。
　　“先生！到啥地方？”
　　“美琪大戏院。”
　　“哦，去格去格。”
　　“几钿？”
　　“阿拉弗讨侬虚头，三千块。”
　　“瞎三话四，侬路认得（阀）？”
　　“侬话几钿？”
　　“一千五！”三轮车夫踏孜车子跟勒我后头，眼仔几步路，笑嘻嘻格说：“好！我踏侬去！”

　　【会议趣闻】

　　“弹街路”错成“蛋咯路”

　　“我们就生活在蛋咯路上。”这句话出自一名家之手，实在令人发噱。”上海市作家协会会员褚半农说，正确写法是“弹街路”。
　　褚半农说，“街路”是过去吴地人对街、街道的称呼，它的特点是用拳头般大小的石卵子铺成的。因为路面不平，车子走在上面“弹跳”而发出的。人们就把这种由小石块铺成，路面不怎么平的街路叫做“弹街路”。

　　学习沪语舌头加牙齿

　　为了让沪语学习者形象化地理解上海话的发音方法，来自日本立教大学经济部的吴悦教授整理出一套独特的“口舌法”，即学习者可以通过自己的口腔开合的大小、舌头与牙齿是否接触来掌握上海话的发音要领。

作者: gojin 时间: 2006-12-2 08:10
果然是两式，老钱没讲错。清籁见报了么，呵呵。不过那个广大网友的话我倒是没听过，呵呵。

倪讨论仔三四年，人家几个钟头就定哉。。。

作者: klutz 时间: 2006-12-2 08:17
40年代...那時上海話還用哉仔弗曾話....

作者: zautseu 时间: 2006-12-2 11:17
上海话过去分"城里闲话"和"租界闲话",不可同日而语,"城里闲话"后来衰亡了．

作者: serynade 时间: 2006-12-2 12:42

原帖由 wtzdj 于 2006-12-2 08:10 发表
清籁见报了么，呵呵。

伊哪能啦
出名仔就勿睬阿拉“廣大網友”哉是勿啦
論壇哪能會事體啦

作者: klutz 时间: 2006-12-2 14:43
就是呀抗議

作者: 小老虎 时间: 2006-12-2 19:18

原帖由 wtzdj 于 2006-12-2 08:10 AM 发表
果然是两式，老钱没讲错。清籁见报了么，呵呵。不过那个广大网友的话我倒是没听过，呵呵。

阿有照片？

作者: gojin 时间: 2006-12-2 23:02
我试过修复论坛哉（理论浪我已经呒权限，只勿过权限朆彻底收干净），个趟好像弗是搭上趟一样个毛病，删脱附件弗派用场哉。需要进一步个处理，我想我弗好再进行，一弗用心弄坏脱仔倒是我个责任啘。。。

作者: gojin 时间: 2006-12-2 23:07

原帖由 小老虎 于 2006-12-2 19:18 发表

阿有照片？

呒拨。

作者: mandarin 时间: 2006-12-3 09:44
戆兮兮、坏来死、淘浆糊、混腔势、扎台型、刮三、小八腊子、腻心八腊、斩冲头、退招势……

精力侪摆了搿种弗上台面个切口浪向，专家个趣味值得怀疑。搿种词汇么本生就呒啥稳定性可言，让伊拉自生自灭好来，花仔介许多精力去推究啥个本字咯写法咯，等到倷确定好了么，人家过两日又有新个词汇出来来，倷搿种词么又落伍来。外加像戆兮兮搿种词变体多来西，戆穴穴，戆吼吼，戆搭搭，每个侪要来规范一下子吗？我是胃口呒没介好，哀去一只一只记牢伊拉个规范写法，随便写写大家看得懂么意思意思么好来。vio忘记书面语个功能帮特点，土词土语个写法用法不要让大众亦参与进去，搿本生是民俗学家个课题，只有纪录个必要，而无所谓规范。

作者: 吴人 时间: 2006-12-3 10:34
楼上还是先别忙着挑刺。
与其说是专家的趣味，或许还不如说是记者和大众的口味。
外国人学中文最喜欢说“哪里哪里”，有几个中国活人还挂在口头说。。。。

作者: serynade 时间: 2006-12-3 10:34
"退招势"个搿只“退”明显勿对

”退“发t'e
”坍招势“个”坍“发t'E

回楼浪个楼浪：方言文学要发展，呒没一套规范哪能来三。规范个目的末，就是要拿方言书面化。侬觉着搿星词汇呒没稳定性，齐巧是因为伊拉呒没正字。Shakespeare用个交关词汇也呒没稳定性个，也老”土“个，后叟来还勿是变成功英文书面语个一部分。

[ 本帖最后由 Herbsttag 于 2006-12-3 10:41 编辑 ]

作者: serynade 时间: 2006-12-3 10:52

原帖由 wtzdj 于 2006-12-2 23:02 发表
我试过修复论坛哉（理论浪我已经呒权限，只勿过权限朆彻底收干净），个趟好像弗是搭上趟一样个毛病，删脱附件弗派用场哉。需要进一步个处理，我想我弗好再进行，一弗用心弄坏脱仔倒是我个责任啘。。。 ...

哀只论坛bugs木老老
作为网络吴语个基地介勿稳定。。。

作者: 吴人 时间: 2006-12-3 10:59

原帖由 Herbsttag 于 2006-12-3 10:34 发表

回楼浪个楼浪：方言文学要发展，呒没一套规范哪能来三。规范个目的末，就是要拿方言书面化。侬觉着搿星词汇呒没稳定性，齐巧是因为伊拉呒没正字。Shakespeare用个交关词汇也呒没稳定性个，也老”土“个，后叟来还勿是变成功英文书面语个一部分。

秋日讲得好啊。

作者: mandarin 时间: 2006-12-3 11:07

原帖由 Herbsttag 于 2006-12-3 10:34 发表
"退招势"个搿只“退”明显勿对

”退“发t'e
”坍招势“个”坍“发t'E

回楼浪个楼浪：方言文学要发展，呒没一套规范哪能来三。规范个目的末，就是要拿方言书面化。侬觉着搿星词汇呒没稳定性，齐巧是因为伊拉呒没 ...

弗赞成花精力去规范吃口，呒没稳定性个词交关来，做啥眼睛盯牢搿些词奈？弄得来拨人家一只印象赛过上海闲话就剩搿些词汇一样。wtzdj讲，搿其实是媒体个眼光（趣味）问题，倒蛮有道理。但是总要先有专家去研究搿批词咯，乃么媒体才能有素材呀。现代社会学术研究勿是闭门造车，专家阿可以反省一下自家了了整个社会里向个脚色，哀有自家对外界个影响，尤其是现在保护方言介闹忙个辰光，一举一动才有导向作用。嗳，媒体亦好，专家亦好，侪一点门槛亦呒没

作者: serynade 时间: 2006-12-3 11:19
专家哪能我勿清爽，必过书面化规范化是肯定有必要个，包括搿星词汇

其实也呒没设法，吴语呒没自家个莎士比亚，呒没自家个普希金
有个言话末，帮帮忙，专家立臂角去

作者: mandarin 时间: 2006-12-3 11:31
楼浪，搿种我弗晓得哪恁定义，是弗是相当于“俚语”，英文字典里向翻出来要打只括号，标只slang个？英文词典哪恁编法？是法兰西学院搿种规范导向为目的奈，还是描写纪录为目的奈？我觉着是后者。所以英文字典里向翻出来有统一个写法，弗代表英美国家个人平常用起来就只能够帮词典里向拼法一样。呒没统一写法，英文还是有规范个书面语个呀？吃口slang么随便伊拉去么好来，我觉着哦

作者: serynade 时间: 2006-12-3 11:48
讲弗定个。
OED交关slang弗会得收录个。
必过假使讲搿星词汇报纸浪，小说里向有得用个，葛末就要有规范有标准哉。
也就是讲，标准勿是OED设定个，是根据比较有文化层次个书面语言来设定个。
有标准仔末，侬要哪能写，搿当然是侬自家个事体，必过假使搭词典里向个勿一式一样末，搿有个名称个，叫”错别字“。

问题是吴语现在呒没自家个当代文学，也呒没自己个报纸搭新闻媒体。葛咾讲，来三设定标准个，就是所谓个”专家“哉。

呒没书面体，葛咾也呒没slang搭书面语之分。保险眼比较好，侪包括进去。等书面语发展开来仔末，语言伊自家个自然淘汰机制会得自我完善个。

[ 本帖最后由 Herbsttag 于 2006-12-3 11:54 编辑 ]

作者: mandarin 时间: 2006-12-4 00:05

原帖由 Herbsttag 于 2006-12-2 12:42 发表

伊哪能啦
出名仔就勿睬阿拉“廣大網友”哉是勿啦
論壇哪能會事體啦

可以上去哉~~~

作者: mandarin 时间: 2006-12-4 12:06
上方花园么我养出来个辰光登过一两年，后手来搬脱来～～～侬亦常熟路淮海路口口头？我只晓得人家讲起来么总归上方花园新康花园一道讲个，两条弄堂贴隔壁啘，必过新康花园知识分子家庭多，风气更加好一眼。要么倷是新康个

？

作者: mandarin 时间: 2006-12-4 13:27
:handshake

哪恁介巧

侬哀住了搿面伐？

作者: klutz 时间: 2006-12-4 16:46

原帖由 mandarin 于 2006-12-4 12:06 发表
上方花园么我养出来个辰光登过一两年，后手来搬脱来～～～侬亦常熟路淮海路口口头？我只晓得人家讲起来么总归上方花园新康花园一道讲个，两条弄堂贴隔壁啘，必过新康花园知识分子家庭多，风气更加好一眼。要么倷是新康个 ...

挑根刺：純光弗是辰光

作者: mandarin 时间: 2006-12-4 17:00
肯定伐

作者: lieukehli 时间: 2006-12-6 02:00
像煞应该是
“养出来个辰光登过一两年”
或者“养出来个辰光纯光登过一两年”

同音异义

作者: serynade 时间: 2006-12-6 07:22
辰光－时间
纯光－仅仅

作者: mandarin 时间: 2006-12-6 09:41
我个意思是“刚出生的时候”。。。但是纯光

从来呒听说seh过

阿有啥个例句伐，平常经常讲个，生动眼个，有伐？

作者: mandarin 时间: 2006-12-6 10:11

原帖由 Herbsttag 于 2006-12-6 07:17 发表

伲搬脱哉。。。必过上海我觉着顶顶亲切个就是徐汇区归段场花哉。。。别个地方，一眼亲切感也呒无个

嗳，像阿拉搿种少数派么要识相，上海老里八早就弗是阿拉个唻。。。。。。现在是clé啊abc啊搿种人撑市面个辰光，伊拉是标准，黄浦区吗，几化正宗了嗨啦。。。。。。诶，侬几几年养个，算算看阿有可能碰着过伐？

作者: serynade 时间: 2006-12-7 18:46

原帖由 mandarin 于 2006-12-6 09:41 发表
我个意思是“刚出生的时候”。。。但是纯光从来呒听说seh过

阿有啥个例句伐，平常经常讲个，生动眼个，有伐？

像煞純光是蘇州閑話。。。

——促銷煞根價——

A：該种款式葛毛衣還有几件？
B：純光兩件。

作者: klutz 时间: 2006-12-7 19:48
。。。看豁脫哉
原來上海弗講純光那麽阿有啥地道點個講法呢？

作者: lieukehli 时间: 2006-12-8 03:30
反正我是想弗出可以同时表示“一共”“只有”个词汇
要末“一忒刮子”？必过像煞“一忒刮子”经常帮“只有”连用个。。。。。。

作者: klutz 时间: 2006-12-8 10:31
純光幫一塌刮子差得遠着仔點罷。。。。

作者: mandarin 时间: 2006-12-8 17:12
han plantan，一塌刮子，一共笼总。。。

作者: mandarin 时间: 2006-12-8 23:33

原帖由 Herbsttag 于 2006-12-7 19:03 发表

我要晏儂大約摸half a decade唻。。。應該是朆碰着過

哈哈，格侬养出来我已经了了徐光启老爷爷个坟墩头浪向踢皮球了

作者: serynade 时间: 2006-12-9 07:24
勿怕啊侬。。。有鬼个喔

作者: mandarin 时间: 2006-12-9 08:36
个辰光哪恁晓得奈？只晓得南丹公园南丹公园，啥人晓得原来是只陵园。

作者: zautseu 时间: 2006-12-10 17:32
浦东闲话没有 ven 一说,大家可以看看一篇＂北吴重新划分＂的一篇论文，上面列得很清楚，浦东等上海本土地区，本来就没有ven一说，只有＂呒没＂．

当然嘉定宝山这种苏州方言片的地方是有的，我认识的宝山人说＂侬饭ang吃＂＂我饭还vin吃＂崇明话也有的．

可能上海城里闲话，受苏州影响，有一段时间有过，而且我也有求证．

还有分＂衣／烟＂的问题，有一本很厚的上海方言志上明确写，城里闲话有这个区分，而周围的浦东，松江闲话却没有，当然说的是解放以前的事情．

作者: mandarin 时间: 2006-12-10 23:13
楼上莫非就是z200052爷爷。。。

作者: serynade 时间: 2006-12-11 11:32
爺爺您來啦
您終于來啦

作者: mandarin 时间: 2006-12-11 11:44
我乱猜滴呀，作兴不是的奈？

作者: serynade 时间: 2006-12-11 11:49
哦。。。
不會被嚇跑吧

作者: mandarin 时间: 2006-12-11 11:53
嗯。。。早上刚看他上来过，也没留言
偶又作孽了

作者: 输畀侬 时间: 2007-3-25 19:25

原帖由 serynade 于 2006-12-3 10:34 发表
"退招势"个搿只“退”明显勿对

”退“发t'e
”坍招势“个”坍“发t'E

兄台个口音分推、坍？

作者: 吴人 时间: 2007-3-25 19:26
俚有本老派个《上海方言词典》。。。

作者: 输畀侬 时间: 2007-3-25 19:38
标题: 回复 #47 吴人的帖子
“坍”声调不对

作者: serynade 时间: 2007-3-26 02:37

原帖由吴人于 2007-3-25 19:26 发表
俚有本老派个《上海方言词典》。。。

我还是分的……不过我想可能是新派受普通话影响的缘故，因为我来/蓝不分

作者: mandarin 时间: 2007-3-26 10:17
是坍

欢迎光临吴语协会 (https://www.wu-chinese.com/bbs/)