【老宅勿倒说明仔啥】

陆慕张花人

    前几日看新闻报道，听说四川芦山县乡下有一幢老宅，是清末同治年间造格，100多年历史哉，纯砖木建筑，榫卯结构互相牵牢。经过该趟7级地震也朆倒脱，勒废墟浪巍然不动，除脱仔落下来几块瓦，一点点也朆受影响，搭仔四周倒塌格房子形成仔鲜明对照。据说张姓格7家人家几十个人照常生活勒嗨四合院里，赛过朆发生啥个地震。一时成为一个传奇，该个么啥叫硬气，啥叫吃价，过去匠人箇种聪明才智，箇种传统泥水生活搭仔木工生活，凡是见识过格人侪要翘大拇节头格。现在格开发商搭仔包工头，侪是铜钿眼里迁跟头，只管赚钞票，不管质量，拿别人格性命开玩笑，难道俚笃格良心畀勒狗吃脱哉啊？！喊俚笃要好好交看看百年前头格箇种老宅建筑，学习过去匠人格诚信做人搭仔过硬技术，最主要是要拿畀勒狗吃脱格良心重新拾转来。

mandarin

老宅除了这几座其他早倒塌了，算算比率，还是塌得蛮结棍的

热度

沒必要過分誇大僅存的古代老房子哪恁哪恁堅固