吴语协会

 找回密码
 开只户头

扫一扫,访问微社区

QQ登录

只需一步,快速开始

搜索
查看: 6794|回复: 1

台州罗马字圣经Ts.3

[复制链接]
发表于 2007-9-14 08:17:05 | 显示全部楼层 |阅读模式
Ts.3
1YIA-'O-WA Zông-ti su zao-keh weh-veh ting diao-bi z zô. Zô teh nyü-nying kông Yün-li jü-zông-keh ko-ts. Zông-ti z feng-fu ng-he tu feh-k’o ky’üoh feh?
耶和华上帝所造嗰活物顶调皮是蛇.蛇搭女人讲园里树上嗰果子.上帝是吩咐尔海都弗可啜伐?
2Nyü-nying teh zô kông, Yün-li jü-zông-keh ko-ts ngô-he tu hao ky’üoh:
女人搭蛇讲,园里树上嗰果子我海都好啜:
3tsih-yiu yün cong-yiang keh-cü jü-zông-keh ko-ts, Zông-ti kông, Ng-he feh-k’o ky’üoh ge. feh-k’o moh ge, hôh iao s.
只有园中央嗰株树上嗰果子,上帝讲,尔海弗可啜渠.弗可摸渠,吓要死.
4Zô teh nyü-nying kông, Ng-he feh we s:
蛇搭女人讲,尔海弗会死:
5Zông-ti hyiao-teh ng ky’üoh keh nyih ngæn-tsing ziu we ming-liang, we ziang Zông-ti neng-keo sih-teh zin ôh.
上帝晓得尔啜嗰日眼睛就会明亮,会像上帝能够识得善恶.
6Yü-ts nyü-nying mông keh-cü jü z hao ky’üoh, hao-k’ön, yi siang kô-ts’eo ts’ong-ming, ziu tsah-ting ko-ts ky’üoh; yi peh ge dziang-fu, ge dziang-fu ah ky’üoh.
于兹女人望嗰株树是好啜,好看,咦想**聪明,就摘丁果子啜;咦拨渠丈夫,渠丈夫阿啜.
7Keh liang nying ngæn-tsing ziu ming-liang, hyiao-teh z-kyi z c’ih-sing-lu-t’I; ziu do vu-hwa ko jü-yih lin-lao tso gyüing.
嗰两人眼睛就明亮,晓得自己赤身裸体;就驮无花果树叶连牢做裙.
8Nyih-deo zia si liang-fong c’ü-ky’i, Yia-'o-wa Zông-ti ze yün-li tseo; Ô-tông teh ge ts’i-ts t’ing-djôh Ge sing-ing, ziu iu ze yün-li jü cong-yiang, iao bi-ku Yia-'o-wa Zông-ti-keh min-zin.
日头斜西凉风吹起,耶和华上帝在园里走;亚当搭渠妻子听着渠声音,就幽在园里树中央,要避过耶和华上帝嗰面前.
9Yia-'o-wa Zông-ti ao Ô-tông kông, Ng ze ‘ah-yi?
耶和华上帝噢亚当讲,尔在嚡伊?
10Ge kông, Ngô ze yün-li t’ing-djôh Ng-keh sing-ing, yü c’ih-sing-lu-t’i p’ô-gyü; ziu iu-lao.
渠讲,我在园里听着尔嗰声音,为赤身裸体怕住,就幽牢.
11Yia-'o-wa kông, kæh-nying t’ong-ts ng z c’ih-sing-lu-t’i? Ngô su kying-ku ng feh-k’o ky’üoh-keh jü, ng ky’üoh-ku feh?
耶和华讲,敢尔通知尔是赤身裸体?我所禁过尔弗可啜嗰树,尔啜过伐?
12Ô-tông kông, Ng su s-peh ngô-keh nyü-nying ge tsah-ting keh-cü jü-zông-keh ko-ts peh ngô, ngô ziu ky’üoh.
亚当讲,尔所施拨我嗰女人渠摘丁个株树上嗰果子拨我,我就啜.
13Yia-'o-wa Zông-ti teh nyü-nying kông, Ng tso-ku zah-m z-kön? Nyü-nying kông, Zô yiu-'oh ngô, ngô ziu ky’üoh.
耶和华上帝搭女人讲,尔做过唣某事干?女人讲,蛇诱惑我,我就啜.
14Yia-'o-wa Zông-ti ziu teh zô kông, Ng kyi-zin tso keh z-kön, ziu pih-ding pi væn-pah cong-sang yia-siu kang-kô ziu tsiu-cü; ng iao yüong du ’ang-tseo, ih-sang ih-si ky’üoh di-t’u:
耶和华上帝就蛇讲,尔既然做嗰事干,就必定比万百众牲野兽受咒诅;尔要用肚行走,一生一世啜地土:
15Ngô we peh ng teh nyü-nying kyih ün-dziu, ng-keh 'eo-de teh nyü-nying-keh ‘eo-de ah kyih ün-dziu: ge-keh ‘eo-de iao siang-seng ng-keh deo, ng iao siang-seng ge-keh kyiah-'eo-keng.
我会拨尔搭女人结怨仇,尔嗰后代搭女人嗰后代阿结怨仇:渠嗰后代要伤损尔嗰头,尔要伤损渠嗰脚后跟.
16Yi teh nyü-nying kông, Ngô pih iao peh ng wa-ying kô-ts’eo k’u-ts’u; sang n-nô pih-ding yiu næn; ng pih iao voh ng dziang-fu, ng dziang-fu iao kwön-'æh ng.
咦搭女人讲,我必要拨尔怀孕加凑苦楚;生儿囡必定有难;尔必要服尔丈夫,尔丈夫要管辖尔.
17Yi teh Ô-tông kông, Ng kyi-zin t’ing ts’i-ts shih-wa, ky’üoh Ngô su kying ng feh hyü ng ky’üoh-keh jü, di-t’u iao yü ng ziu tsiu-cü; ng iao ih-sang ih-si sing-k’u, ky’üoh di-zông su sang-keh;
咦搭亚当讲,尔既然听妻子说话,啜我所禁尔弗许尔啜嗰树,地土要为尔受咒诅;尔要一生一世辛苦,啜地上所生嗰;
18di iao peh ng sang ts’-bang yia-ts’ao; ng iao ky’üoh di-zông-keh su-ts’e;
地要拨尔生刺棚野草;尔要啜地土嗰蔬菜;
19ng min-lin iao ‘ön-c’ih-ô liu teh-djôh ky’üoh-zih, teng tao ng kyü-t’u; ing-yüoh ng z jong di-t’u c’ih-le: ng peng-le z di-t’u, ning-gyiu iao kyü-t’u.
尔**要汗出花流得着吃食,等到尔归土;因为尔是从地土出来:尔本来是地土,仍旧要归土.
20Ô-tông c’ü ge ts’i-ts ming-z Ô-wa; ing-yü ge z væn-pah weh-nying-keh nyiang.
亚当取渠妻子名字夏娃;因为渠是万百活人嗰娘.
21Yia-'o-wa Zông-ti yü Ô-tông Ô-wa tso bi-keh i-zông, peh ge hao tsiah.
耶和华上帝为亚当夏娃做皮嗰衣裳,拨渠好着.

22Yia-'o-wa Zông-ti kông, Ge nying yi-kying ziang Ngô-he, we sih-teh ziu ôh; sang-teh ge long-c’ih siu, tse tsah weh-ming jü-keh ko-ts, ky’üoh ziu yiu üong-yün weh:
耶和华上帝讲,渠人已经像我海,会识得善恶;省得渠拢出手,再摘活命树嗰果子,啜就有永远活:
23su-i Yia-'o-wa Zông-ti ao ge tseo-c’ih Yi-din yün, kang-cong jong ge su c’ih-le-keh di-t’u.
所以耶和华上帝噢渠走出伊甸园,耕种从渠所出来嗰地土.
24Peh ge kön-c’ih; ziu ze Yi-din yün tong-pin sih-lih Kyi-lu-ping, wæ-yiu ho-yin-keh pao-kyin yüih-le yüih-k’e, kwön-siu weh-ming jü-keh lu.
拨渠赶出;就在伊甸园东边设立基路宾,还有火焰嗰宝剑越来越开,管守活命树嗰路.
 楼主| 发表于 2007-9-14 08:37:12 | 显示全部楼层
终于拨个三页基本妆完..
第一面似乎吴人早日有翻译过..
Ts.2上伐翻译了~完成Ts.3圆满了~
阿弥陀佛o mi du veh~~
头像被屏蔽
发表于 2015-7-25 18:13:28 | 显示全部楼层
应该加分呀
您需要登录后才可以回帖 登录 | 开只户头

本版积分规则

手机版|Archiver|吴语协会 Wu Chinese Society ( 网友言论不代表本站观点 )

GMT+8, 2024-3-29 01:22

Powered by Discuz! X3.4

© 2001-2017 Comsenz Inc.

快速回复 返回顶部 返回列表