普通话、无锡话文字对照

吴人

修正过一些字的写法。无锡的语气词和助词的用法都和我家一模一样。“哪亨”前字也是带鼻音的。讲“铜钱”“洋钱”。那个“呃”（等于苏州“阿”）“咧”“撒”好亲切哦，。不过无锡市区的“子”尾促化成“则”。

你好！吃饭了吗？——你好！嗯（阿曾）吃饭勒？

下午到哪里去玩了？——下昼里到罗搭去白相个撒？

上午我到学校里去找你的——上昼里我到学堂里去寻你个

你们都是一个单位的吗？——你里侪是一个单位个啊？

什么时候请我们吃饭啊？——啥辰光请我里吃饭撒？

这个女孩子很聪明的——伊个毛丫头蛮聪明个喏(nou)

那个男孩子个子真高——过个男老小长得高到则个

这个时候家里没人——伊个辰光屋里向呒不人个

我们在哪里见面？——倷伲来勒罗搭碰头？

他们骑自行车出去了——佗俚踏则脚踏车出去咧

这个星期你怎么安排？——伊个礼拜你呃有啥个安排？

那只烤红薯要卖多少钱？——个只烘山芋要卖几铜钱？

最后一只了，便宜点卖给你吧——阿末一只咧，便宜点卖拨你吧

多少钱？——几花钞票？

一元五毛钱——一块五角洋钱

能再便宜点吗？——呃好再便宜点咧撒？

好啊，一元钱拿去吧——好个喏(nou)，一块洋钱拿得去罢

要不要再买点别的东西吗？——呃要再买点别个物事咧？

再给我称两斤土豆吧——再搭我称两斤洋芋头吧

明白了吗？——呃清爽咧？

搞不明白——弄勿清爽

很早以前的事情忘掉了——寿娘头里个事情忘落咧

这束花好漂亮——伊束花漂亮到则个

要卖200元钱那，太贵了——要卖200块洋钱得啊，忒嫌贵咧

不好了，那间房子着火了——勿好咧，个间房则火着咧

商场里人挤人——商场里向人轧人

聋子的耳朵——聋庞(ban)个耳朵

鼻子有点塞——鼻头有点齆

这个孩子有点口吃——伊个老小有点囵则

你知道了吗？——你呃晓得咧撒？

谁知道是怎么回事——啥人晓得是难夯一桩事情

你心里要有数哦——你心里要有数脉点哦

我知道了——我有数脉咧

你能不能声音轻一点啊——你呃可以声音轻点撒？

叽叽喳喳吵死了——横冷横冷闹煞落咧

不好了，不好了——勿好咧，勿好咧

这下好了，这该怎么办？——难么好咧，难夯办法哪

这个么很容易的——伊个么便当透个啘

不要耍赖——勿要赖毛皮

你不要紧吧——你阿碍呢？

你很厉害——你结棍到（你有交页）

口袋里总共只有这么多钱——袋袋里向一塌刮则只有敖点钞票

我看你是招打——我看你是要讨吃生活

小老虎

过个男老小长得高到则个
伊束花漂亮到则个

一般到则后头不加“个" 个

gojin

这个用法跟常州一样，确实后面一般不加个。

我们一般讲　高到到来、漂亮到到来

小老虎

哦 这种用法比较有趣
一般常州讲"到则"
无锡讲"到"

gojin

你个头像我nan会看弗见？

小老虎

啊
我是用的外部链接
我自己看的见啊

gojin

这可能我的问题。
你也可以上载头像。

小老虎

好的

laosuzhou

原帖由 吴人 于 2007-1-14 04:33 发表
修正过一些字的写法。无锡的语气词和助词的用法都和我家一模一样。“哪亨”前字也是带鼻音的。讲“铜钱”“洋钱”。那个“呃”（等于苏州“阿”）“咧”“撒”好亲切哦，。不过无锡市区的“子”尾促化成“则”。
...叽叽喳喳吵死了——横冷横冷闹煞落咧

吴语里向有弗弗少少模仿声音格重叠词，因为箇个一类词语格出现，极大格丰富了苏州评弹以人格表演艺术。但是箇类词语大多侪呒不一定格规范汉字，甚至有些就根本呒不实梗格准确表达文字。就像倷该搭箇句闲话里向格“横冷横冷”实梗，要寻着表达各种嘈杂声音个汉字，确实非常困难。我总觉着该句闲话里格写法格用字就弗大妥当，因为“横”搭仔“冷”侪有俚本身格词义嘅，那俚厾来模仿声音，会让人产生其它格联想，字句就弗容易看懂读通。表达声音效果格用字，应该尽量选用箇点读音相同或相近格带口字遍旁格汉字。“横冷”两字建议改成“汪哴”。“汪”字一般人经常用来形容狗的叫声，“哴”就是一个带有口字遍格形声字。《广韵》鲁当切；《集韵》卢当切，并音郎，儿啼不止。

laosuzhou

原帖由 吴人 于 2007-1-14 04:33 发表
修正过一些字的写法。无锡的语气词和助词的用法都和我家一模一样。“哪亨”前字也是带鼻音的。讲“铜钱”“洋钱”。那个“呃”（等于苏州“阿”）“咧”“撒”好亲切哦，。不过无锡市区的“子”尾促化成“则”。
... 不好了，不好了——勿好咧，勿好咧...

看见箇句闲话，让我想起仔小辰光勒收音机了听过格一则上海小热昏（即现在格上海独脚戏）。说格是：
有个常熟人立勒桥面浪，看见河里向有两只船对面对相遇。两只船越来越近，眼看着河里向格两只船就要相撞，急得桥面浪格常熟人一面跳脚，一面嘴里向勒浪说：“弗好哉！弗好哉！”就勒箇歇辰光，桥浪格常熟人只听见从桥下头传得来“咣噹”一声大响，两只船勒河里真格撞勒一堆，箇个常熟人勒大膀浪一拍，说道：“哪末好哉！”
大概是讽刺常熟人说话颠倒，以博得众人一笑而已。

双相障碍

老派常州话那几个语气词都是舒声的，新派的跟楼主一样。
P.S.楼上那个撞船事件我处都说是苏州人撞船………………

大椿

其实哪里人都如此说的啊——

无锡人：弗好咧，弗好洌……哪介好咧！

上海人：弗好弗好……迪记好！

北方人：不好了不好了……这下好！

轧闹猛

原帖由 吴人 于 2007-1-14 04:33 发表
修正过一些字的写法。无锡的语气词和助词的用法都和我家一模一样。“哪亨”前字也是带鼻音的。讲“铜钱”“洋钱”。那个“呃”（等于苏州“阿”）“咧”“撒”好亲切哦，。不过无锡市区的“子”尾促化成“则”。
...

"呃"明明就是"阿",可能各人的口音略异.没有必要异化正字.
“撒”恐怕更是应该写作"啥". 乡下普遍读翘舌音sha.

姬远清

我写作"嗄",阴平调.

热度

嗄子=哑巴

laosuzhou

原帖由 吴人 于 2007-1-14 04:33 发表
修正过一些字的写法。无锡的语气词和助词的用法都和我家一模一样。“哪亨”前字也是带鼻音的。讲“铜钱”“洋钱”。那个“呃”（等于苏州“阿”）“咧”“撒”好亲切哦，。不过无锡市区的“子”尾促化成“则”。
...

钱，苏州闲话叫“钿”。洋钱，叫“洋钿”；铜钱，叫“铜钿”。

铅角子

原帖由 小老虎 于 2007-1-14 10:23 发表

一般到则后头不加“个" 个

可以个喔,还可以讲"到则个了",